Gorsedd'08: Terras de Lenda

Finalmente e com a premura que nos caracteriza publicamos o horário definitivo das nossas jornadas anuais, que contam com bastantes novidades a respeito do ano passado, e algumha surpressa que descubriredes de assistirdes.

As jornadas desenvolverám-se em Ponte Vedra os dias 29 e 30 do mês de Novembro (esta fim de semana), na Casa Azul (rua Sor Luzia, nº 2, mapa).

Para muitas das actividades é necessário apontar-se antes, para o que só precisades enviar um correio ao nosso endereço tuatadedanann@gmail.com .

Para participar nos Campionatos de rol, Infinity, airsoft e combate medieval é preciso consultar os regulamentos que se pendurarám no foro do clube. Já adiantamos que para o combate medieval há que trazer a própria espada de pvc e goma-escuma, e será imprescindível vir vestido estilo medieval e medieval-fantástico. O material de airsoft será emprestado pola organizaçom das Gorsedd, e para o torneio de Infinity é imprescindível trazer exército próprio segundo as reglas

Eis o horário:

SÁBADO 29

10:00

Acreditaçons e apertura das jornadas

Semifináis do Torneio de rol em mesa

Semifináis do Campionato oficial de Infinity

Partidas demonstrativas

14:00

Recesso para jantar

16:00

Final do Torneio de rol em mesa (Crónicas de Gáidil)

Final do Campionato Oficial de Infinity

Rol ao vivo: Mutantes G2

21:00

Entrega de prémios

Feche (e logo festa...)

DOMINGO 30

10:00

Apertura do segundo dia

Campionato de combate medieval (recomendamos duche frio aos/às resacos@s )

Jogos de mesa (Arkham Horror, Jogo de Tronos e Bloodbowl)

14:00

Recesso para jantar

16:00

Comandos de airsoft: Vietcong VS Marines iankes

Partidas demonstrativas

Jogos de mesa

21:00

Entrega de prémios

Feche das Gorsedd'08 (e até o ano que vém!)

Em preparaçom as Gorsedd`08

Como nom podia ser doutro jeito, o clube tem já data fixa para a realizaçom das suas XI Jornadas de rol, simulaçom e estratégia para os dias 29 e 30 deste mês.

Ainda que este ano nom atingimos o objectivo de engadir umha jornada mais, aguardamos que as novas actividades sejam umha novidade do vosso agrado, e como ainda nom estám fechadas de todo e nom queremos dar-lhe cancha aos/às freakies criticons; em breve postearemos outra notícia com o programa completo.


Por outra banda, actividades já clássicas como o Torneio de espadas de goma-escuma, este ano transformarám-se numha autêntica luita pola supervivência na que haverá que superar diferentes reptos para fazer-se com a espada do prémio; torneios de rol, partidas demonstrativas, área de jogos de estratégia e taboleiro, e um rol ao vivo na linha das anteriores ediçons, tentando sempre surpreender e ganhar em originalidade.

Todas as surpressas serám desveladas no seu momento, é dizer, nas próximas semanas, até entom, ide afiando os colmilhos!

Adiadas as Ludus Stellae

Atençom, atençom, notícias da organizaçom freaky compostelana! Como muit@s de vós já saberedes, a última semana de Outubro a associaçom de rol e tempo livre Casco Vello Libredón nom puido realizar as suas anunciadas (e aguardadas) jornadas. Umha conversa com um dos sócios permitiu que nom nos desgarraramos as roupagens: Especificou-se-nos que nom estám suspendidas, só adiadas umhas semanas.

Quando se faga pública a nova cita, informaremos pontualmente. Animamos desde aqui a tod@ aquele/a que nunca o fixesse a probar sorte no bosque compostelano, as suas duas ediçons anteriores testemunham um trabalho bem feito e grandes doses de diversom! Muito ánimo e sorte para @s companheir@s da associaçom, aguardamos cruçar aço com eles/as em breve.

As III Ludus Stellae cada vez mais perto

A associaçom de rol e tempo livre Casco Velho Libredón está já a ultimar os últimos retoques das suas terceiras jornadas anuais, que terám lugar a última fim de semana de Outubro (24, 25 e 26).

O horário aproximado (ainda nom oficial) que a gente da associaçom nos fixo chegar é o seguinte:

Sexta-feira 24 (tarde)

Partidas de rol em mesa
Torneio de espadas de gomaespuma

Exibiçom de esgrima antiga

Rol ao vivo medieval

Sábado 25

Partidas de rol em mesa

Rol ao vivo medieval

Domingo 26

Finais de rol em mesa

Rol ao vivo medieval

Do Tuata dé Danann recebemos a notícia com satisfacçom, e desde logo estaremos lá para apoiar a actividade, ver a velhos/as camaradas de armas e cruçar aceiro com outr@s novo@s . Enquanto se publique o horário final, informaremos no blogue.

Casco Velho organiza as II Ludus Stellae

@s companheiros/as de Casco Velho venhem de dar-nos umha mui boa notícia: A organizaçom das suas segundas jornadas de rol, estratégia e recriaçom histórica, as Ludus Stellae, para os dias 26, 27 e 28 de Outubro. O evento terá lugar no Centro Social A Gentalha do Pichel, em Compostela, havendo actividades de manhá e tarde.

Se bem o horário e actividades ainda nom estám totalmente decididos, contaremos com projecçons de filmes, exibiçons de esgrima medieval, torneios de combate com espadas acolchadas, exposiçons e obradoiros de recriaçom histórica. Por suposto, haverá multidom de partidas de rol em mesa (normais e de curta duraçom), rol em vivo e jogos de estratégia.

A medida que vaiamos sabendo mais iremos publicando-o na nossa secçom de jornadas. Polo de agora, só desejar ánimo e sorte à gente de Casco Velho, além de que nos vaiam reservando sítio, que a delegaçom d@s Tuata dé Danann estará lá para fazer umha boa reportagem. Muita sorte com todo!