Irmandinh@s'08: A Serpe Vermelha zarpa de novo

Após um ano da gloriosa fim de semana em Monterrei, chegou o momento de tomar-se a justa vingança que a nossa tripulaçom esige! De novo como pirat... digoooo "marinheir@s" , ( e algum Bacharel e camponês engadid@), o clube se dispom a levar âncoras e afiar o machete dispost@s a rebanar pescoços nobiliários (e qualquer gorja que se interponha), na terceira ediçom de Irmandinh@s A Revolta.

Desde hoje mesmo forjamos armas (de poliestireno, pvc, fita americana e demais) nas bodegas do barco, e pronto nos encontraremos com os Congros redondelanos para dar-lhes mais pesadelos às tropas de Zúnhiga, Pimentel, Fonseca e Soutomaior, ainda que de certo que se lembram de nós cada vez que vam durmir.

Provistos de bastante mais armamento que o ano passado, aguardamos que o chao de Monterrei seja regado com sangue de Malfeytor, e desde logo estamos dispost@s a ser bons jardineir@s a esse respeito ;-P.

Este ano o número de participantes disparou-se até rematar em um par de semanas todas as vagas, inclusive as extraordinárias, o que augura batalhas multitudinárias. Tem-se melhorado o armamento, e modificado as regras: Agora as classes sociais possuem feblezas (@s marinheir@s por exemplo som extremadamente crédulos e supersticiosos) e vantagens (os mendigos podem restar pontos de vida só com tocar a um/umha jogador/a).

A ambientaçom avança no tempo, em concreto seis anos depois da derrota do Segundo Alçamento Irmandinho, quando se começa a gestar umha nova revolta popular nas terras de Monterrei. Historicamente, elege o momento do enfrentamento entre Sabela e Joana pola Coroa de Castela, morto já Henrique IV; e na Galiza, o da nobreza e o clero, encarnados no arcebispo Fonseca e em Pero Álvares de Soutomaior, mais conhecido como Pero Madruga. O jogo introduz um grupo de rebeldes capitaneados por Paio Rodrigues, antigo capitám irmandinho que aproveita a reuniom dos exércitos feudais do arcebispo e dos Soutomaior no castelo de Monterrei para vingar a derrota do exército da Santa Irmandade.

A batalha achega-se, e por suposto, a nossa tripulaçom nom faltará à cita!

O colectivo lúdico Hermes organiza rol ao vivo de máfias

Ante todo, saudaçons a toda a gente de Hermes, novo colectivo criado em Redondela, que é o artífice de Máfia, umha ceia criminal; já dirigido anteriormente, e que voltará a jogar-se por segunda vez este sábado que vém, também em Redondela.

A ambientaçom desenvolve-se no Casino Flamingo, no deserto de Nevada, EUA, em 1972. Lá dam-se cita diferentes representantes do mundo da hampa estadounidense, numha reuniom de negócios. Qualquer que visse o Padrino minimamente atent@, terá a fundada suspeita de que a metade d@s assistentes nom regressarám, mas já se sabe, nom é nada pessoal...


A segunda parte deste jogo está já pronta e preparada para jogar, e algum oficiante hermético que assistiu a Finis Terrae tem-nos confissado extraoficialmente, que há mais, muito mais, em preparaçom.


Toda a informaçom necessária sobre este e demais eventos podedes encontrá-la no foro, onde está posteada toda a informaçom sobre as actividades organizadas polo Colectivo Lúdico Hermes. Se queres entrar no seu foro, clica aqui. Para entrar directamente na info de Máfia, clica aqui. A quota de inscripçom é só de 2 euros, para costear os gastos.


O próximo sábado, umha nutrida delegaçom do clube há entrar no Casino Flamingo a probar a hospitalidade dos Cascio. Aguardemos que polo menos umha parte volte para contarvo-lo!

Rematadas as praças de Finis Terrae

Com grande dor de coraçom (ainda que nom podemos evitar alegrar-nos um pouquinho), anunciamos que todas as praças do vivo acabam de ser ocupadas. Êxito!!! (som de aplausos e pandereteiras).

Por primeira vez, os esforços do nosso grupo de gnomos escravizados em talheres de escritura clandestinos vem-se recompensados sem que fiquem pj´s solt@s a última hora, vamos a começar a pensar que nos tomades a sério...

Sem mais, aguardamos ver-vos a tod@s às 10 h em Sam Francisco, preparade-vos para a viagem final, porque Finis Terrae está justo à volta da esquina. Até o sábado!

Finis Terrae

Anno Domini de 1470

Muit@s afirmam que a guerra está perdida. O Alçamento Irmandinho está sendo derrotado na maioria das batalhas campais que se livrárom na última campanha, Fonseca volta a sentar-se no trono arcebispal de Compostela e os senhores estám assentando-se de novo nos seus feudos e reclamando os seus senhorios. O desalento fai melha nos exércitos irmandinhos, dos quais só resiste mais ou menos íntegro o de Alonso de Lançós, enquanto o de Pedro de Ossório se batiu em desbandada depois da derrota em Balmalige.

A cidade nunca se recuperou da perda de Gorecho de Lemos e os seus lugartenentes irmandinh@s, assassinados por Jurjo de Andrade e os seus homens durante a Feira Franca passada. O espírito que acendera a rebeliom em Pontus Veteris apurou o seu hálito o suficiente como para resistir dous assédios, e maliá todo prognóstico, a cidade resiste. Sabe-se de outras que assim o fam, como Pontedeume, mas nom há possibilidade de enviar nem receber mensageiros: Maliá nom haver um assédio oficial, as redondezas estám infestadas de bandidos senhoriais.

O vazio de poder deixado por Gorecho e os seus está a ser ocupado polos grémios, alguns dos quais começam a plantejar publicamente a necessidade de pactuar com Fonseca para evitar umha massacre. Existem suspeitas de que umha nova onda de choque se dirige face a cidade, esta vez com bombardas, dispostos a reduzir a cidade aos cimentos de nom atingir a rendiçom final d@s seus/suas habitantes. A cidade está cada vez mais dividida, e muit@s pensam que nom será possível suportar um terceiro assédio. A impossibilidade de manter o abastecimento do mercado semanal disparou os preços, e acrescenta-se a misséria e a pobreza com cada dia que passa.

Enquanto o Alçamento Irmandinho ameaça com cair e o medo cresce, alguns/umhas, contra toda esperança, se preparam para resistir.

Mas existe outra guerra desconhecida, que leva livrando-se nos últimos anos nesta cidade. Um combate travado baixo o manto nocturno, nos pórticos desertos e nas praças vazias, no que a mágia e a espada se encontram, um combate subterrado em mitos, lendas e profecías; que por fim está pronto para o desenlace final. Nengum dos dous bandos está disposto a fracassar, e ambos luitarám com umha crueldade inmisericorde para ganhar a alma desta cidade.

Esta é a tua oportunidade de marcar a diferença, e inclinar a balança. A fim do caminho chegou, estades na fim do mundo e de todas as cousas, estades em... Finis Terrae!

Por terceiro ano concecutivo, o clube organiza o Rol em Vivo Medieval, que tem lugar na zona velha de Ponte Vedra durante a Feira Franca (este 6 de Setembro). A ambientaçom avança um ano, e a história constitui o desenlace final de duas tramas principáis paralelas, que levam misturando-se e desenvolvendo-se ao longo dos dous últimos anos anteriores na Pontus Veteris do século XV.

Lembramos que a actividade é plenamente de balde, nom é necessária experiência prévia em rol em vivo ou incluso em rol em mesa; e que começaremos às 10 h da manhá do dia 6. O único requisito imprescindível para jogar é vir vestido da época.

Se queredes participar ou receber informaçom, enviade um correio electrónico ou chamade a qualquer dos telefones de contacto (estám todos na secçom de contactos deste blogue).

Umha aperta a todos/as, vemo-nos na Feira Franca!

Achega-se o III Rol em vivo medieval

Aproveitamos que o responsável do blogue saiu do bucle espaço-temporal no que leva perdido os últimos meses para dar-vos umha notícia jugosa: Em breve estarám disponíveis @s pj´s da entrega final da saga de vivos medievais que levamos organizando os últimos três anos.

Com o nomem de Finis Terrae, a história fechará a trilogia no ano 1470, desenlaçando as tramas que levam actuando na cidade nos últimos anos.

Como novidades, adiantamos um par: Suprimos as facçons, ficando os pj´s de calhar mais vulneráveis que nas anteriores ediçons; e incluimos um novo sistema de combate real com cuitelos (de goma-espuma, por se alguém vém de novas).

Por suposto, para conhecer as surpresas e novidades mais destacadas, nom poderás menos que vir a participar, o dia 6 de Setembro a partir das 10 h da manhá na zona velha de Ponte Vedra. Lembra que terás de vir vestid@ de época, e que jogar é totalmente de balde, só tés de chamar aos telefones da secçom de contactos.

Ah, e umha última cousa: Vista a onda de destruiçom massiva da que fôrom objecto as espadas do clube, tememo-nos que o nosso ferreiro oficial nom deu a basto, e nom poderá fornecer de bom aço pontevedrês a quem precise espada e/ou cuitelo. Assim que, quem quiger trazer as suas próprias armas para a Feira Franca, já se pode pôr maos à obra. Em breve publicaremos umha secçom nova na que explicaremos como fazê-las. Até entom!

@s marinheir@s arrassam em Irmandinhos a Revolta

E é que se podem dizer as cousas mais altas mas nom mais claras... Após três dias de combate intenssíssimo contra os Malfeytores (o bando do exército nobiliário), no que @s Irmandinh@s tomárom todas as posiçons, acossando às forças contrárias sem descanso até forçar a sua retirada em desbandada na tarde do Sábado, a superioridade táctica e estratégica das gentes do mar fica fora de toda dúvida (que lho digam à sócia do clube que jogou de Malfeytora, que desertou do contingente caçarrecompensas para combater ombro com ombro com nós).

E a nom ser por defeitos no regulamento e injustiças à hora de arbitrar vários eventos (a morte do Capitám Alonso de Lançós por exemplo), a vitória corresponderia ao exército Irmandinho. Vale, sim, toda a gente do Tuata estava jogando no bando Irmandinho. Mas isso nom quita que houvesse flagrantes violaçons das regras e sobre todo... QUE REPARTISSEMOS ÓSTIAS COMO PANS!!!!!

Na foto de arriba vê-se às duas Irmandades marinheiras ao completo, com a gente do Tuata dé Danann (esses honrados piratas da face pintada), após a batalha na que dimos a nossa vida depois de acavar com três quartas partes do exército nobiliar (a ver se para o ano se lembram!).

Sabemos que nom incluimos na notícia referências ao bando Malfeytor, mas é única sócia que probou com os nobres tivo que aceitar um duelo com um virus, e afinal perdeu... Assim que evidentemente, a info que temos é exclusivamente irmandinha...

Por votaçom popular, o melhor dia foi o Sábado, no que a guerra de possiçons permitiu momentos gloriosos como o ataque pola retaguarda ao exército nobiliar, depois de que um punhado de irmandinhos tomaram o Arco e atacassem às forças de Fonseca. Especial atençom merece também a batalha final do Domingo, na que se puidêrom ver nada menos que duas catapultas que além do mais... funcionavam!

Quanto à opiniom geral, compartilhada por alguns membros de Casco Velho que ajuntarom forças para a luita final, faltou roleo (a maioria da gente nom jogara nunca e nom tinha demasiado interesse em começar) e um sistema mais realista à hora das reglas e a questom estratégica.

Maliá todo, que já informaremos polo miúdo no Dana (esse fanzine pantasma do que sempre falamos mas parece que nunca sai), umha saudaçom afectuosa a alguns inimigos dignos do bando Malfeytor (habe-los há-os) , umha aperta aos camaradas de armas do bando irmandinho que luitárom e morrêrom nos cámpos de Monterrei, e um brado de guerra forte, vibrante, e cheio de valor e fereza para as Irmandades Marinheiras e a tripulaçom da Serpe Vermelha.

AÚ, AÚ, AÚ!!!

Damián de Portela, Al-Hur e Roderic no Valhalla após a última batalha

Aqui tedes a Roderic em primeiro plano, um pirata catalám ao lado do qual foi umha honra luitar

II Rol em vivo medieval: Verbum Dei

Anno Domini 1469.

Um ano tem passado desde que Tiago de Andrade fosse ajusticiado pol@s irmandinh@s às portas do convento de Sam Francisco. Os padres qualificadores chegavam assim a um acordo com a Santa Irmandade, depois de processar por satanismo ao Andrade e atrincherar-se no convento, que fora sitiado polas tropas nobiliárias. Ponte Vedra passava a ser domínio exclusivo d@s sublevad@s , recurtando fortemente a influência eclesiástica na cidade.

Doze meses depois da derrota nas ruas da Companhia Vermelha, a guerra irmandinha contra o despotismo nobiliar começa a sofrer duros reveses: As tropas de Soutomaior pressionam sem descanso à Irmandade de Ponte Vedra, um dos três comandantes do seu exército tem desertado e no norte se perdeu a cidade de Compostela. A traiçom parece extender-se entre os mandos das forças irmandinhas, e começam a ouvir-se rumores de que o rei castelhano tem pensado apoiar a volta do arcebispo Fonseca e das Casas nobres, reivindicando os seus privilégios.

Ao mesmo tempo, um monje encontra por casualidade umha antiga relíquia numha hermida, e inexplicavelmente tod@s ao seu arredor começam a sofrer horríveis e enigmáticas mortes. Susurra-se nas tabernas que o espírito de Tiago se aparece polas noites a quem vaga a soas pola cidade, para levá-lo com ele de volta ao Inferno. A ausência continuada do novo Merinho, ocupado nas campanhas contra os de Soutomaior, permitem que as ruas sejam cada vez mais perigosas, e que ladrons e corta-gorjas vaguem impunes polas arquerias quando cai a noite. Grupos de leprosos se agolpam no Hospício, as aforas estám tomadas por bandidos e mercenári@s que a Irmandade nom é quem de erradicar, e só @s judeus/as parecem manter o seu nível de vida. Deus parece ter abandonado a cidade, a sua palavra fica agora em silêncio...

Por segundo ano consecutivo, o nosso clube organiza o rol em vivo medieval da Feira Franca para o 31 de Agosto e o 1 de Setembro. E por segunda vez, poderás voltar a meter-te na pele de jograres, irmandinh@s , mercenários, nobres, ladrons, judeus/as, árabes, monjes e todas as gentes do medievo! Às innovaçons no sistema, que permitirá os duelos reais entre outras novidades, engade-se o aliciente de continuar a história do ano anterior, à que se une umha nova galeria de pessoagens e tramas que farám as delícias tanto de quem participou o ano anterior como de quem se una desta volta por primeira vez! A actividade, como todas as que organizamos, é totalmente gratuíta, e o único requisito para poder participar é vir vestido da época de jogo. Podes apontar-te já no foro do clube, ou chamando aos telefones que aparecem neste blogue na secçom de contacto. Nom o penses mais...

A AVENTURA CONTINUA...

Convocada a segunda ediçom de Irmandinh@s: A Revolta

Por segundo ano consecutivo, a empresa 13 Negativo organiza o rol em vivo de Irmandinhos A Revolta para os dias 5, 6 e 7 de Outubro na comarca de Monterrei. Após um ano do titánico choque entre as forças do arcebispo Fonseca, Joam Pimentel e Rodrigo de Zúñiga contra as tropas irmandinhas, o exército de Alonso de Lançós tentará mais um ano expulsar dumha vez por todas aos Malfeytores/as da Galiza, acabando com os abussos de séculos de opressom nobiliária (nota-se que joguei no bando irmandinho, verdade?).

O nosso clube tem participado na anterior ediçom (com gente em ambos bandos), e maliá as críticas que se podem e devem fazer, recomendamos-vos que venhades por muitas razons: Três dias inteiros de jogo, possibilidade de eleger bando, centos de participantes (o ano passado fomos mais de 300), combates reais com espadas acolchadas, acampamento irmandinho à sombra do castelo medieval de Monterrei, bando Malfeytor atrincherado no próprio castelo, derroche de médios e mui bom ambiente entre @s participantes (até o momento dos piques, que saltam faíscas e incluso algum dente, hehe).

Na web de Irmandinhos poderedes encontrar informaçom detalhada da anterior entrega, as bases para apontar-se (o praço de inscriçom começa o 27 de Agosto), um espectacular trailer e muitas cousas mais.

Pois mais nada polo de agora, e vemo-nos em Monterrei!

Em preparaçom o II Rol em Vivo Medieval

Pois sim senhor/a! Já estamos preparando a segunda entrega do Rol em Vivo Medieval da Feira Franca.

Para quem nom estiver no primeiro, explicamo-nos: Aproveitando a ambientaçom medieval da cidade durante a Feira Franca, organizamos por segunda vez um rol em vivo ambientado na década de sessenta do século XV, na plenitude do Segundo Alçamento Irmandinho, com a nobreza galega em jaque e nos anos inmediatamente anteriores à formaçom oficial da Inquisiçom Espanhola (que fique claro que maliá nom termos copyright, isto já estava feito antes de que 13 Negativo e companhia figeram das suas em Monterrei).

Para quem já participasse, haverá novas e excitantes surpressas, que serám desveladas no seu momento (como adelanto, dizer que o sistema de combate tem sido melhorado para ser muito mais espectacular).

Desta volta terá lugar os dias 31 de Agosto e 1 de Setembro, e aguardamos contar com tod@s vós para entom, seguiremos informando deste evento nos meses sucessivos.