Centro de estudos sobre Tolkien esgota os últimos dias de inscriçom

Aqui vos deixamos um interessante correio enviado ao clube, especialmente para aqueles incondicionáis da obra tolkieniana:

O Centro de Estudos de Arda volta a abrir as suas portas aguardando receber velh@s e nov@s alun@s.

Página com mais dum lustro de antigüidade, seguimos tratando de gerar um lugar onde tod@s podamos apreender algo mais sobre a obra de Tolkien, ao tempo que conhecemos a outr@s afeiçoad@s e passamos um bom rato.

Um singelo mais completo sistema de classes mensais via web, onde podedes encontrar matérias aptas para aqueles/as que se iníciam neste mundo e outras que ajudarám aos/às já iniciad@s a aprofundar nos seus conhecimentos.

As aulas complementam-se com um “foro de roleio”, no que interpretar o que acontece no Centro, ubicado nas antigas ruínas de Ost-in-Edhil (perto de Tharbad), nos inícios da Quarta Idade do Sol; e com secçons para debates, dúvidas e charlas.

O primeiro quadrimestre durará de Outubro a Janeiro, as inscripçons para o mesmo estarám abertas até o 1 de Outubro. Animade-vos, é totalmente de balde, e de certo que o passaredes muito bem.

Umha saudaçom:

Dalin, filho de Bwalin. Director de CEA (Tariq o Torto, para a gente do Tuata)

Visitamos o XI Salom do comic na Corunha

Após dúas horas em comboio umha delegaçom de freakis pontevedreses (mundialmente conhecid@s como Tuata Dé Danann) chegamos a sexta-feira 15 de Agosto à Corunha para ver o Salom do Cómic.
Após ver Spiderman pendurado, a família Simpsom num sofá, ao Lucky Luke e a Mortadelo e Filemom dirigimo-nos a exposiçom ‘A memória nos petos’ de Étienne Le Roux e Luc Brunschwig, depois à de Solano López e finalmente à de Mark Buckingham. Nesa mesma há (ou houvo) umha Clara de Noite à que alguém lhe tocou o cú e quase derriba a pobre maniquí… nom miramos para ninguém, eh Tere?. Também puidemos desfrutar das incríveis curvas que alguns/umhas sóci@s podem chegar a ter…
Os pros: Muito interessante, gostamos do desenho e foi incrível ver a diferença entre os esboços e o cómic já rematado.
Os contras: Ao nom estar centralizado o Salom do Cómic ou tés muito tempo ou é impossível olhá-lo inteiro de vez, por isso tampouco pudemos dar umha grande opiniom, dado que nom o desfrutamos todo.
Como bons/boas freakis nom seria um Salom do Cómic sem caçar algum idem de por meio (valga a rebuznáncia), e sem inmortalizar alguns momentos memoráveis:

Rectificar é de sábi@s...

Digamos que ao autor da anterior notícia fixo-se-lhe ver que nom era de todo acaído a incorporaçom do Pikachu no seríssimo blogue do clube, a través do envio dum mail ameaçante com esta imagem alternativa por parte dalgumha sócia...

Como o primeio é a saúde, e polo de agora os Pokémon nom nos patrocinam, aqui fica esta pérola do bom gosto que nos enviárom, ameaçando com tomar similares medidas contra o autor da notícia anterior em caso de negativa (!). Pois nada, aqui fica isto, e já sabes Tere, a mandar (;-P).

O clube passa as suas partidas aos sábados

Alegria, alegria! Pois exactamente isso foi o que nos deu o CS A Revira ao ceder-nos o espaço também para os sábados, assim como a possibilidade de levar o material para lá. Já tinham razom os chineses com isso do yin-yan, todo o mau pode ter parte boa.

Assim, que sem muita cerimónia, passamos as partidas abertas a todo o mundo aos sábados, para que @s que saides de ping@s pola noite pontevedresa nom vos queixedes da ressaca. Por outra banda, os domingos passam a ser património exclussivo para actividade d@s sóci@s (se tés inveja, que é do que se trata, por 3 euros ao mês podes deixar de lado tam desagradável sentimento).

Aguardamos ver-vos por aqui, saudaçons!

Ficamos sem local... Acolhe-nos!

Aguardavamos poder informar-vos hoje de que contavamos com um novo local além da Revira, em concreto o pertencente à associaçom vizinal Eduardo Pondal, sita ao lado da estaçom de comboios; mas afinal vai ser que nom.

Durante o passado verao, mudamos o nosso material para lá, planejamos abrir mais um dia da semana além dos Domingos (os sábados pola tarde) e preparamos as Gorsedd para este espaço. Reunimo-nos para jogar lá todos os sábados durante estes últimos meses, sem desatender as partidas na Revira, obrigados/as a viver como sempre da cessom de espaços de diferentes associaçons, já que o próprio concelho nom os habilita.

Seria grande a surpressa que nos levamos quando limos na Voz que esse local ia a ser vendido à Cámara Municipal. Assim, sem umha chamada nem um avisso, inteiramo-nos de rebote de que tinhamos de largar-nos. Depois das entrevistas que gente da associaçom de banda desenhada tivo com o presidente da associaçom Eduardo Pondal (a petiçom nossa, que estavamos flipando de que ninguém se puxesse em contacto com nós), assegurou-se-nos que poderiamos levar avante as jornadas, porque até o 2008 nom começavam as obras.

Uns dias depois chamou-se-nos para dizer-nos que tinhamos 24 h para levar-nos todo o nosso material dali. Assim que, mais umha vez, tocava patada no cú.

Nom é novo que os espaços para ócio público som cada vez menos (Casa da Luz, Casa Azul e poucos mais), a naioria vendidos e/ou cedidos a entidades privadas, enquanto as associaçons juvenís e culturais seguimos na rua por muito que tenhamos actividade semanal. Isto já acontecia em tempos do PP, quando se nos obrigou a deixar o Estádio da Juventude, e segue a haver o mesmo problema agora com o BNG e o PSOE.

Já na rua o manual de Crónicas de Gáidil

Com certa tardança pola que pedimos desculpas, informamos da saida à rua do primeiro jogo de rol ambientado na Galiza mítica castrexa. Depois de ter olhado as primeiras páginas, nom podemos por menos que agradecer aos autores que se tomassem tam em conta a nossa existência, e nos figeram ser nada menos que os antagonistas d@s Protagonistas! Pois sim, no mundo de Gael-Leach, @s Tuata dé Danann, como filhos de Danu, som praticamente Demónios do mundo antigo, adoradores/as e serv@s de Deusa que neste jogo fai as vezes de Senhora da Escuridade doutros jogos.

Vamos, que somos @s maus/más.

Ante tanta responsabilidade, nom podemos fazer menos que recolher a luva, e prometer muitas cabeças de Caçadores de Sidhe empaladas nos triskéis fomorianos. Além do mais, no blogue oficial dos autores adiantam-se novas aventuras, sistemas de criaçom aleatória de castros, novas habelências e a pronta ediçom das pantalhas do jogo.

Que a irmandade de Gael Leach caminhe firme.

Primeiro jogo de rol ambientado na Galiza mítica a ponto de sair

Pois assim como o ledes! Nos próximos dias de Setembro sai o primeiro jogo de rol ambientado na Galiza e desenhado por galegos, o que marca de por sim um fito histórico... Mas atent@s que venhem curvas: A ambientaçom situa-se numha Galiza pagana, em concreto na civilizaçom castrexa, nom romanizada, na que druídas, mouros, heróis míticos e umha galeria de pessoagens com figuras como Breogám e Dana farám as delícias de tod@s @s amantes da mitologia celta (entre @s que muit@s sóci@s nos encontramos).

Recentemente o jogo foi apresentado em Viñetas do Atlántico, e se bem ainda nom tivemos o prazer de poder probar o sistema de jogo, já lhe adiantamos aos compostelanos perpetradores do invento (Pablo Fernández Otero e Ignacio Rodríguez Domínguez), que a nossa biblioteca há de contar com semelhante publicaçom no momento que saia, assim como dumha detalhada crítica umha vez tenhamos probado as falcatas das Crónicas de Gáidil no clube.

Desejando a melhor das sortes para o jogo, e aguardando que este seja a primeira de muitas iniciativas similares, seguiremos informando das novidades que se vaiam dando.

O clube visita as exposiçons do Senhor dos Anéis

A semana passada, o sector mais tolkieniano do clube tem-se deslocado a Corunha e Compostela para visitar a exposiçom do Senhor dos Anéis, e poder babear a gosto com todo o material empregado por Peter Jackson na trilogia. Sim, vale, o fanatismo incontrolado é um defeito, mas um capricho pode tê-lo qualquer...

A primeira hora da manhá, com os olhos médio fechados arrastamo-nos até a estaçom de comboios para começar a viagem à Terra Média. Umha vez chegad@s , fomos recebidos por Olalla, que seria a nossa guia até o edifício da exposiçom (fodido calor que vai no Norte!).

Umha vez dentro, o madrugom valeu a pena. Ultrapassada umha reproduçom dos Argonath (nom os que vemos na foto, estes eram em três dimensons), iamos correteando de sala em sala dizendo cousas como: "Ostiás, viche isso?? Joder, a espada de Gandalf!! Miramiramiramira, o Rei dos Nazgûl!!! Eu quero umha espada como essa... Será mui resistente o cristal? Quantas cámaras há nesta parte da exposiçom... pssst, quantas cousas te cabem debaixo do poncho, Tere?". E é que nom era para menos: Desde montagens a tamanho real do troll de Mória, o Rei Bruxo de Angmar ou Boromir no seu bote funerário, até espadas e vestidos com placas explicatórias onde se podia ver que estavam feitos com materiais puramente naturais (peles, aço, metal, plumas e coiro de verdade). Especial mençom merece a reproduçom de Sauron tal e se amossa no Monte do Destino, com o Anel Único (decepcionante por certo) no médio da sala. Os únicos problemas que houvo fôrom que evidentemente a exposiçom organizava-a Caixanova, que como bom banco o que procura é fazer pasta: Traduzindo, que nom nos deixárom fazer nem umha punhetera foto.

Depois de jantar , combinamos com Tomás, um engendro de coidado (é o tipo sorrinte da esquerda de todo), e digno representante da associaçom de rol e tempo livre Casco Velho. Com ele vinha outra freaky em potência, mas preferiu manter o anonimato e nom sair na foto... O caso, esta vez o rolho ia em plam mais bélico: Armas e armaduras dos trasgos, elfos, gondorianos e rohirrim. Impresionante a armadura de Théoden, e o traje dos Homes do Sul. Também havia umhas esculturas de Gollum com diferentes faces, ainda que nom impressionavam demasiado...

Por certo, durante os dous passeios, havia multidom de pantalhas com os extras correspondentes aos DVD extendidos, para quem quixer passar-se mais horas lá. Finalmente fomos até a Casa das Crechas a tomar umhas cervejas e intercambiar informaçom sobre próximos eventos em Compostela e Ponte Vedra, deixando acordado para Outubro um novo encontro entre as duas associaçons, para probar combates reais com espada ropeira (parece que ultimamente a gente de Casco Velho está mui posta em simulaçom de esgrima medieval, e muit@s de nós estaremos lá como cravos).

Mais nada polo de agora, deixamos-vos umhas mostras do que ainda podedes ver, tiradas de Internet, já que em vivo os seguratas se te comiam. Apertas a tod@s !

Parece que vai a abrir os olhos, e isso que é de látex...

Pedaço de becho...

Aqui está a galeria de gollums

Comunicado do clube sobre o ataque à Revira

Nas passadas festas em Ponte Vedra, um grupo de fascistas (nom se lhes pode chamar de outra maneira) tentárom queimar o CS A Revira, onde a nossa associaçom leva reunindo-se e jogando cada Domingo desde há quase dous anos.

O clube de rol Tuata dé Danann quer enviar toda a sua solidariedade e apoio ao centro social que o viu refundar-se, e sem o qual nom teriamos chegado a ser o que somos na actualidade. Quando nengumha administraçom pública nos cedeu espaço algum para a nossa actividade, foi A Revira quem o fixo desinteressadamente até dia de hoje sem pedir nada em contrapartida (algo realmente exótico nestes tempos).

É sabido que festas como estas da nossa cidade, nas que as touradas tenhem tanto protagonismo, atraem a todo tipo de descerebrados e fachas que vem perigar os postulados da sua ideologia rança e trasnoitada em todo o que reivindica a diferença.

Deixamos aqui o comunicado da Revira, para quem queira olhá-lo, e umha aperta para toda a gente do centro social.

Inaugurada nova secçom

Que nom cunda o pánico, podemos explicá-lo todo!

Tinhamos pendente melhorar o blogue mês a mês, e aqui está a primeira de várias secçons novas que iremos acrescentando a medida que passe o tempo.

Desta volta, quigemos dar-lhe saída a todo o material gráfico que acumulamos nas actividades que fomos organizando, começando neste caso polo I Rol em vivo medieval da Feira Franca, reportagem gráfico feito por Zuni, a nossa reporteira mais dicharacheira.

Aguardamos que o desfrutedes, e que sigades ao tanto, porque em questom de dias estará já pronta a reportagem gráfica das Gorsedd'07, as nossas jornadas anuais. Umha aperta a tod@s, e até pronto!

Rematam as partidas no colégio Froebel

O mês de Maio é o último do programa do concelho Noites Abertas, polo que a nossa actividade, que demos em chamar "Círculo de Druídas", chega ao seu fim (nom choredes, que há mais).

Por suposto, as partidas continuarám na Revira todos os Domingos como até o de agora (já podedes deixar de vitorear), e já estamos movendo-nos para dar-vos umha surpresa na Feira Franca, assim que a viagem nom rematou...

Com esta já som dous anos consecutivos desde a nossa refundaçom em 2005 que participamos em Noites, se bem este ano ficamos com mau sabor de boca por nom poder organizar o rol em vivo de suspense/terror que estavamos a desenhar, e que ficou adiado para começos de 2008 por problemas de financiaçom com o concelho, que decidiu nom assumir o gasto do mesmo.

Seja como for seguiremos a colaborar com Noites Abertas, e no 2008 voltarám a saber de nós!