Gorsedd'08: Terras de Lenda

Finalmente e com a premura que nos caracteriza publicamos o horário definitivo das nossas jornadas anuais, que contam com bastantes novidades a respeito do ano passado, e algumha surpressa que descubriredes de assistirdes.

As jornadas desenvolverám-se em Ponte Vedra os dias 29 e 30 do mês de Novembro (esta fim de semana), na Casa Azul (rua Sor Luzia, nº 2, mapa).

Para muitas das actividades é necessário apontar-se antes, para o que só precisades enviar um correio ao nosso endereço tuatadedanann@gmail.com .

Para participar nos Campionatos de rol, Infinity, airsoft e combate medieval é preciso consultar os regulamentos que se pendurarám no foro do clube. Já adiantamos que para o combate medieval há que trazer a própria espada de pvc e goma-escuma, e será imprescindível vir vestido estilo medieval e medieval-fantástico. O material de airsoft será emprestado pola organizaçom das Gorsedd, e para o torneio de Infinity é imprescindível trazer exército próprio segundo as reglas

Eis o horário:

SÁBADO 29

10:00

Acreditaçons e apertura das jornadas

Semifináis do Torneio de rol em mesa

Semifináis do Campionato oficial de Infinity

Partidas demonstrativas

14:00

Recesso para jantar

16:00

Final do Torneio de rol em mesa (Crónicas de Gáidil)

Final do Campionato Oficial de Infinity

Rol ao vivo: Mutantes G2

21:00

Entrega de prémios

Feche (e logo festa...)

DOMINGO 30

10:00

Apertura do segundo dia

Campionato de combate medieval (recomendamos duche frio aos/às resacos@s )

Jogos de mesa (Arkham Horror, Jogo de Tronos e Bloodbowl)

14:00

Recesso para jantar

16:00

Comandos de airsoft: Vietcong VS Marines iankes

Partidas demonstrativas

Jogos de mesa

21:00

Entrega de prémios

Feche das Gorsedd'08 (e até o ano que vém!)

Em preparaçom as Gorsedd`08

Como nom podia ser doutro jeito, o clube tem já data fixa para a realizaçom das suas XI Jornadas de rol, simulaçom e estratégia para os dias 29 e 30 deste mês.

Ainda que este ano nom atingimos o objectivo de engadir umha jornada mais, aguardamos que as novas actividades sejam umha novidade do vosso agrado, e como ainda nom estám fechadas de todo e nom queremos dar-lhe cancha aos/às freakies criticons; em breve postearemos outra notícia com o programa completo.


Por outra banda, actividades já clássicas como o Torneio de espadas de goma-escuma, este ano transformarám-se numha autêntica luita pola supervivência na que haverá que superar diferentes reptos para fazer-se com a espada do prémio; torneios de rol, partidas demonstrativas, área de jogos de estratégia e taboleiro, e um rol ao vivo na linha das anteriores ediçons, tentando sempre surpreender e ganhar em originalidade.

Todas as surpressas serám desveladas no seu momento, é dizer, nas próximas semanas, até entom, ide afiando os colmilhos!

Adiadas as Ludus Stellae

Atençom, atençom, notícias da organizaçom freaky compostelana! Como muit@s de vós já saberedes, a última semana de Outubro a associaçom de rol e tempo livre Casco Vello Libredón nom puido realizar as suas anunciadas (e aguardadas) jornadas. Umha conversa com um dos sócios permitiu que nom nos desgarraramos as roupagens: Especificou-se-nos que nom estám suspendidas, só adiadas umhas semanas.

Quando se faga pública a nova cita, informaremos pontualmente. Animamos desde aqui a tod@ aquele/a que nunca o fixesse a probar sorte no bosque compostelano, as suas duas ediçons anteriores testemunham um trabalho bem feito e grandes doses de diversom! Muito ánimo e sorte para @s companheir@s da associaçom, aguardamos cruçar aço com eles/as em breve.

As III Ludus Stellae cada vez mais perto

A associaçom de rol e tempo livre Casco Velho Libredón está já a ultimar os últimos retoques das suas terceiras jornadas anuais, que terám lugar a última fim de semana de Outubro (24, 25 e 26).

O horário aproximado (ainda nom oficial) que a gente da associaçom nos fixo chegar é o seguinte:

Sexta-feira 24 (tarde)

Partidas de rol em mesa
Torneio de espadas de gomaespuma

Exibiçom de esgrima antiga

Rol ao vivo medieval

Sábado 25

Partidas de rol em mesa

Rol ao vivo medieval

Domingo 26

Finais de rol em mesa

Rol ao vivo medieval

Do Tuata dé Danann recebemos a notícia com satisfacçom, e desde logo estaremos lá para apoiar a actividade, ver a velhos/as camaradas de armas e cruçar aceiro com outr@s novo@s . Enquanto se publique o horário final, informaremos no blogue.

Centro de estudos sobre Tolkien esgota os últimos dias de inscriçom

Aqui vos deixamos um interessante correio enviado ao clube, especialmente para aqueles incondicionáis da obra tolkieniana:

O Centro de Estudos de Arda volta a abrir as suas portas aguardando receber velh@s e nov@s alun@s.

Página com mais dum lustro de antigüidade, seguimos tratando de gerar um lugar onde tod@s podamos apreender algo mais sobre a obra de Tolkien, ao tempo que conhecemos a outr@s afeiçoad@s e passamos um bom rato.

Um singelo mais completo sistema de classes mensais via web, onde podedes encontrar matérias aptas para aqueles/as que se iníciam neste mundo e outras que ajudarám aos/às já iniciad@s a aprofundar nos seus conhecimentos.

As aulas complementam-se com um “foro de roleio”, no que interpretar o que acontece no Centro, ubicado nas antigas ruínas de Ost-in-Edhil (perto de Tharbad), nos inícios da Quarta Idade do Sol; e com secçons para debates, dúvidas e charlas.

O primeiro quadrimestre durará de Outubro a Janeiro, as inscripçons para o mesmo estarám abertas até o 1 de Outubro. Animade-vos, é totalmente de balde, e de certo que o passaredes muito bem.

Umha saudaçom:

Dalin, filho de Bwalin. Director de CEA (Tariq o Torto, para a gente do Tuata)

Irmandinh@s'08: A Serpe Vermelha zarpa de novo

Após um ano da gloriosa fim de semana em Monterrei, chegou o momento de tomar-se a justa vingança que a nossa tripulaçom esige! De novo como pirat... digoooo "marinheir@s" , ( e algum Bacharel e camponês engadid@), o clube se dispom a levar âncoras e afiar o machete dispost@s a rebanar pescoços nobiliários (e qualquer gorja que se interponha), na terceira ediçom de Irmandinh@s A Revolta.

Desde hoje mesmo forjamos armas (de poliestireno, pvc, fita americana e demais) nas bodegas do barco, e pronto nos encontraremos com os Congros redondelanos para dar-lhes mais pesadelos às tropas de Zúnhiga, Pimentel, Fonseca e Soutomaior, ainda que de certo que se lembram de nós cada vez que vam durmir.

Provistos de bastante mais armamento que o ano passado, aguardamos que o chao de Monterrei seja regado com sangue de Malfeytor, e desde logo estamos dispost@s a ser bons jardineir@s a esse respeito ;-P.

Este ano o número de participantes disparou-se até rematar em um par de semanas todas as vagas, inclusive as extraordinárias, o que augura batalhas multitudinárias. Tem-se melhorado o armamento, e modificado as regras: Agora as classes sociais possuem feblezas (@s marinheir@s por exemplo som extremadamente crédulos e supersticiosos) e vantagens (os mendigos podem restar pontos de vida só com tocar a um/umha jogador/a).

A ambientaçom avança no tempo, em concreto seis anos depois da derrota do Segundo Alçamento Irmandinho, quando se começa a gestar umha nova revolta popular nas terras de Monterrei. Historicamente, elege o momento do enfrentamento entre Sabela e Joana pola Coroa de Castela, morto já Henrique IV; e na Galiza, o da nobreza e o clero, encarnados no arcebispo Fonseca e em Pero Álvares de Soutomaior, mais conhecido como Pero Madruga. O jogo introduz um grupo de rebeldes capitaneados por Paio Rodrigues, antigo capitám irmandinho que aproveita a reuniom dos exércitos feudais do arcebispo e dos Soutomaior no castelo de Monterrei para vingar a derrota do exército da Santa Irmandade.

A batalha achega-se, e por suposto, a nossa tripulaçom nom faltará à cita!

O colectivo lúdico Hermes organiza rol ao vivo de máfias

Ante todo, saudaçons a toda a gente de Hermes, novo colectivo criado em Redondela, que é o artífice de Máfia, umha ceia criminal; já dirigido anteriormente, e que voltará a jogar-se por segunda vez este sábado que vém, também em Redondela.

A ambientaçom desenvolve-se no Casino Flamingo, no deserto de Nevada, EUA, em 1972. Lá dam-se cita diferentes representantes do mundo da hampa estadounidense, numha reuniom de negócios. Qualquer que visse o Padrino minimamente atent@, terá a fundada suspeita de que a metade d@s assistentes nom regressarám, mas já se sabe, nom é nada pessoal...


A segunda parte deste jogo está já pronta e preparada para jogar, e algum oficiante hermético que assistiu a Finis Terrae tem-nos confissado extraoficialmente, que há mais, muito mais, em preparaçom.


Toda a informaçom necessária sobre este e demais eventos podedes encontrá-la no foro, onde está posteada toda a informaçom sobre as actividades organizadas polo Colectivo Lúdico Hermes. Se queres entrar no seu foro, clica aqui. Para entrar directamente na info de Máfia, clica aqui. A quota de inscripçom é só de 2 euros, para costear os gastos.


O próximo sábado, umha nutrida delegaçom do clube há entrar no Casino Flamingo a probar a hospitalidade dos Cascio. Aguardemos que polo menos umha parte volte para contarvo-lo!